Maniitsumi kigutileriffimmi aaqqiisoqarli!
Maniitsumi innuttaasuusugut arlaqarluta pisariaqartitsinerput naapertorlugu sivitsortumik kigutit nakorsaqannginneranut naammangittaalliuuteqarluta allagaqarpugut.
Inuppassuulluta kigutitsinnik suliaritinnissamut utaqqisuuvugut. Siornali december 2023 kingullermik kigutit nakorsaqarpoq. Tamanna arlaatigut iliuuseqarfigineqapallattariaqarpoq, inuppassuit ilaat anniartut nipaallisaatinik atuinissaannik kigutileriffimmiit innersuunneqaannartarput allatut iliorsinnaannginnamik. Tamannalu Maniitsumi innuttaasunut toqqissisimananngilaq. Naluneqarlunilu qaqugu Maniitsumi kigutit nakorsaqaleqqissanersoq. Aammalu illoqarfimmut allamukalernersugut aperineqartarpugut kigutileriffilimmukalernersugut. Tassa aamma imaappoq kigusiarniarutta nammineq akilertariaqassavarput, tamannalu assut toqqissisimananngilaq. Pissutigalugu, ilaat suliaritittariaqartut ilinniartuinnaapput, ilaat isertitakitsuupput ilaallu akissaqaratit. Taava imaappoq kigutit nakorsaninnissaannut naammangittarlutik anniarlutillu utaqqisariaqassapput.
Tamanna arlaatigut iliuuseqarfigineqapallattariaqarpoq piaartumik! Kigutit nakorsaqalernissaanut utaqqiisaarutaasumik aaqqiisoqartariaqarpoq, periarfissaasinnaavoq sinerissamiit ulapaarfiunngitsumiit kigutit nakorsaanik aggertitsineq allatulluunniit iliuuseqarnikkut, taamak kigutiminnik suliaritinniarlutik utaqqisut kiguserisullu amerlatigisut. Aammalu peqqinnanngilaq aseruuttoorneq ulorianarlunilu, naluarpummi qanoq kinguneqarsinnaanersoq.
Camilla Olrik Josefsen Kontakt forfatteren af dette andragende